《讀者請教》
想請教各位有面對公司高層，同埋有奶奶同住經驗嘅新抱？
我已移民外國多年，同老公結婚10幾年都未試過同奶奶同住超過一個月。
嚟緊奶奶會移民過嚟一齊住。佢係公司高層，一直講嘢都習慣用語言藝術，口不對心。
佢會好誇張咁讚我係最好嘅新抱，目的令人覺得佢係好奶奶，同我關係好好…但其實我唔覺，因為我見過佢嘅真面目同真說話。
總之經過咁多年，初初以為佢好容易相處，但慢慢發現原來好多嘢係佢精心策劃計算過。多年來我都好蠢，後知後覺咁順咗佢意，但其實自己唔開心。
依家佢話移民要帶佢用開好鍾意嘅碗碟過嚟用，其實咁樣算唔算係有咩特別計謀呢？我好擔心自己又中計…謝謝。
＃我的極品四大長老